kumpulan kelakar palembang

 Kutu Palembang

Ado duo kutu bekawan lah lamo dak ketemu, samo-samo berasal dari Palembang. Tapi oleh keadaan mereka terpisah, yang satu tinggal dan menetap di Palembang trus sikoknya tinggal dan menetap di Jakarta.
Suatu hari mereka ketemu setelah lamo bepisah.
Kutu Palembang : “Kau pacak ke sini naek apo?”
Kutu Jakarta (sambil menggigil kedinginan): “Naek pesawatlah, aku nempel di kumis pilot, tau lah AC di cockpit dingin nian makonyo aku ni mengigil.”
Kutu Palembang : “Laen kali jangan milih di kumis pilot, tapi di pramugari nyo.”
Kutu Jakarta : “Mak mano caronyo?”
Kutu Palembang : “Kau masuk ke rok Pramugari, nah.. terus merayap ke tempat lemak, pasti anget!”
Selang limo hari keduo kutu itu ketemu lagi di bandara Palembang. Tapi kutu Jakarta masih bae mengigil kedinginan.
Kutu Palembang : “Ngapo lur, masih kedinginan ni bae? Itulah dak nurut omongan aku!!” sambil mencak marah-marah.
Kutu Jakarta : “Aku ni la nurut omongan kau, kando..”
Kutu Palembang : “Nah, terus? Ngapo masih mengigil cak itu?”
Kutu Jakarta: “Cak ini ceritonyo. Mulonyo aku tuh nempel di rok Pramugari terus aku merayap ke pucuk. Memang bener nian, aku pacak beraso anget.”
Kutu Palembang : ”Terusssssss?”
Kuu Jakarta : “Aku jadi ketedok’an. Sampe-sampe dak tau pesawat tu lah delay dan tedok aku pules nian singgohnyo..”
Kutu Palembang : “Terussss??”
Kutu Jakarta : “Tau-tau waktu aku tebangun, aku lah pindah ke kumis pilot lagi.”
Kutu Palembang : “??????”

Perayaan 17 Agustus 

setiap taon pasti ado namo nyo lomba 17 an , cerito ini di angkat dari kelakar sungi ogan !!

biaso nyo perayaan 17 an di rayoke dengen bemacen lomba , dari lomba panjat pinang , lomba karong , lomba makan keropok , banyak lah singgoh nyo

tapi lomba di sungi ogan beda dari lomba biaso nyo, dimano lomba itu nyebrangi sungi ogan yang tekenal dengan buayo ganas nyo !!

acara ini di selenggarake oleh wong beduet yang tinggal di sano , yang mano pemenang nyo bakal dapet duet 20 juta. ( Wow ) , sekironyo pembawa acara nyapa masyarakat , masyarakat pun mulai bingung , nak melok apo idak lomba nyebrang sungi ogan ini, ado masyarakat yang befeker , " ai nandak aku mati , buayo kito ni ganas galo mangcik bicik , ado pulo yang ngomong percuma be kito punyo ilmu berenang men dak telawan samo buayo !!

15 menit berlalu , pembawa acara dapet kabar , amen hadiah nyo di tambah 20 juta, total hadiah sampe 40 juta !! masyarakat pun maken panas nenger hadiah nyo !!

pembawa acara : cak mano mangcik bicik , ado yang brani samo tantangan nyebrang sungi kito !!

masyarakat : Hening , sunyi , besek-besek an samo yang laen ZzzzZz

tetibo , dari pocok jerambah tedenger ado wong melumpat ke sungi !! ByuRrRrrRRr !! masyarakat pun samo panitia begancang marak ke pengger sungi , pas di pasati yang melumpat itu jali

jali iolah bujang yang be badan besak , item , berambot panjang !!
masyarakat pun ladas nyingok jali berenang sekuat mongken , ado yang beteriak " Jali kau pasti Menang " "Hoi jali men hadiah nyo bage ke aku yo " "nah itu namo nyo jali yang ku kenal " !!

sekiter 20 meter nak sampe ke tepi sunggi , tibo-tibo buayo besak nontot i jali dari belakang , bukan kepalang masyarakat maken beteriak " Jali ado buayo belakang kau " Jali kebot ke lah gaya berenang kau tu". "jgn peduli ke buayo nyo jali"

jali pun makin gilo berenang , mongken dio be feker mati , atau be feker 40 juta di jero sungi .

sangken ke ngebot nyo berenang , akher nyo jali nyampe jgo di tepi sungi.. masyarakat pun nolongi jali ontok naek ke pocok ,

masyarakat : mati,, ebat kau berenang jali
masyarakat : itu dio hadiah nyo gancang lah kau naek pocok panggong jali
panitia : selamat dolor jali , awak jadi pemenang lomba nyebrang sungi kito

jali : maseh ngos-ngosan ,
tetibo dio belari langsong ke pocok panggong , di ambek nyo mikropon , sambel ngomong " Aku dak penteng hadiah nyo
masyarakat : men dak galak hadiah nyo njok ke kami be jali
Jali : bukan cak itu , aku ni cuma nak betanyo , siapo yang nyulak ke aku dari pocok jerambah tadi

masyarakat & panitia : ahahahahahahahahahahahahahahaha , keno julak ke kau e jali

jali : >.<

kelakar betok

IWAN DAN YAI NYO

ini cerito budak kertapati,..yai dengan cucung nyo iwan

yai : wan.,wan cepet lah besingitan
 iwan : ngapo nak besingitan yai ?
yai : itunah ado bu guru kau datang,..kau kan dak sekolah kemaren
iwan : yai be yang besingitan
yai : nah ngapo mak itu,..kau yang dak sekolah ngapo yai yang besingitan ?
iwan : masalah nyo aku dak sekolah  kemaren alasan aku yai aku meninggal.,,
yai : astafirullah iwan , cocong apo kau ni
iwan : belari tekacar kicir