pegi ke pasar meli sepatu
sepatu tebuat dari kayu
kalu kakak cinto samo aku
payo ucapke kato alaviyu
nonton tv jangan dewekan
berewang lah samo kawan
agek dulu kito nak makan
bicik kito belom belenan
banyak nian borong bangau
lagi nyongkok di pocok pagar
banyak nian twitt yang galau
payo kito lemak bekelakar
ke arab naek unto
naek unto makan kurmo
kendak ati nak becinto
tapi mamang idak di terimo
pasar cinde pasar kuto
ke pasar kuto meli bawang
mamang idak nak becinto
karno lagi dak katek rewang
meli sewet cap gajah dodok
nak sewet be warno ungu
siapo be yang belom tedok
payo kito be panton dulu
si mamat beli belau
nak nyuci baju bikini
si mamat lagi galau
karno pengen nyari bini
borong gagak makan itik
makan nyo di tengah kambang
mangcik blagak bicik cantik
itulah ciri wong palembang
pinter nian kodok menculat
menculat ke ladang padi
pinter nian lidah besilat
besilat isi hati
pasar cinde pasar kalangan
ke pasar kalangan meli selandang
biar cuma sekedar ucapan
salam bahagia dolor palembang
Tidak ada komentar:
Posting Komentar